TƏBİB yanğında zərərçəkənlərin son durumunu açıqlayıb - SORĞU
Binəqədi rayonu, Ağasadıq Gəraybəyli küçəsində yerləşən binada yanğın zamanı zərərçəkənlərin son durumu açıqlanıb.
Bu barədə Crossmedia.az-ın sorğusuna cavab olaraq Tibbi Ərazi Bölmələri İdarəetmə Birliyindən (TƏBİB) bildirilib.
Qeyd edilib ki, Binəqədi rayonunda baş verən yanğınla əlaqədar Respublika Təcili və Təxirəsalınmaz Tibbi Yardım Mərkəzinə çağırış daxil olub.
Mərkəzin məlumatına görə, 15 yanvar 2026-cı il tarixində saat 14:30 radələrində Binəqədi rayonunda yanğın hadisəsi səbəbilə təcili tibbi yardıma müraciət qeydə alınıb. Hadisə yerinə operativ şəkildə 4 təcili tibbi yardım briqadası cəlb edilib.
Təcili tibbi yardım briqadaları tərəfindən 2 nəfərə tüstüdən yüngül zəhərlənmə diaqnozu ilə hadisə yerində tibbi yardım göstərilib. Zərərçəkənlərin vəziyyətinin qənaətbəxş olduğu bildirilib.
Kübra Musayeva
18:04 15.01.2026
Oxunuş sayı: 1294
