Yeqvard yaxınlığında avtomobil qəzası: Hindistan vətəndaşları xəsarət alıb
Yeqvard şəhəri yaxınlığındakı magistral yolda baş verən yol-nəqliyyat hadisəsində üç nəfər xəsarət alıb. Bütün zərərçəkənlər Yerevandakı Ermənistan Tibb Mərkəzinə aparılıb.
Crossmedia.az "Sputnik Armenia"-ya istinadən xəbər verir.
Hadisə cümə axşamı axşam saat 8:20 radələrində baş verib. Bir Ford və Chevrolet, eləcə də bir Ford Transit mikroavtobusu toqquşub. Qəza buzlu və qarlı hava şəraitində baş verib.
Hadisə yerinə gələnlər yaralılara ilk tibbi yardım göstəriblər, daha sonra Yeqvarddan təcili yardım briqadası hadisə yerinə gəlib. Tibb işçiləri yaralıları xəstəxanaya yerləşdirməzdən əvvəl vəziyyətini sabitləşdiriblər.
Polis nəqliyyat vasitəsinin sahiblərinin, sürücülərinin və sərnişinlərinin şəxsiyyətini müəyyən edir. Nəşrin məlumatına görə, qurbanlar Hindistan vətəndaşlarıdır.
23:40 09.01.2026
Oxunuş sayı: 1541
