Xarici xəbərlər

Slutski: Ukrayna danışıqlar yolu ilə həll imkanını nəzərdən keçirməlidir

Rusiya Dövlət Dumasının Beynəlxalq Əlaqələr Komitəsinin rəhbəri və LDPR lideri Leonid Slutski Ukrayna hakimiyyətini münaqişənin danışıqlar yolu ilə həllinə doğru addım atmağa çağırıb.

Crossmedia.az xarici mediaya istinadən xəbər verir ki,o, “Rossiya-24” telekanalına açıqlamasında Kiyevin Rusiya ilə ABŞ arasında münaqişəyə son qoymaq üçün aparılan danışıqlar mexanizmlərinə qulaq asmaqdan imtina etdiyini bildirib.

Slutski Ukrayna rəhbərliyinin davranışlarını “məntiqsiz və qəddar” adlandıraraq, bu xəttin davam etdirilməsinin vəziyyəti daha da gərginləşdirəcəyini deyib.

Onun sözlərinə görə, Ukrayna ordusu Rusiya prezidenti Vladimir Putinin iqamətgahına hücum cəhdinə bənzər addımları davam etdirərsə, Moskva buna cavabsız qalmayacaq.

Rusiya deputatı əlavə edib ki, belə halda Ukrayna ərazisinə əlavə “cavab zərbələri” istisna edilmir və Kiyev “qırmızı xətləri” keçməməlidir.

🖨 Çap et

20:36 09.01.2026

Oxunuş sayı: 1448