Tramp: ABŞ olmasaydı, Rusiya bütün Ukraynaya sahib olardı
ABŞ Prezidenti Donald Tramp NATO, Ukrayna müharibəsi və böyük güclər arasındakı münasibətlərlə bağlı açıqlama verib. O bildirib ki, özünün iştirakı və ABŞ-nin rolu olmasaydı, Rusiya hazırda bütün Ukraynaya nəzarət edərdi.
Crossmedia.az xarici kiv-ə istinadən xəbər verir.
Trampın sözlərinə görə, Rusiya və Çin ABŞ olmadan nə NATO-dan qorxur, nə də onu ciddi qəbul edir. O, həmçinin şübhə etdiyini bildirib ki, real təhlükə zamanı NATO ölkələri ABŞ-nin yanında tam şəkildə yer alacaq.
“Hamımız şanslıyıq ki, mənim birinci prezidentlik müddətimdə ordumuzu yenidən qurduq və bu prosesi davam etdiririk. NATO bizimlə olmasa belə, biz həmişə NATO üçün orada olacağıq”, – deyə Tramp vurğulayıb.
Ağ Ev rəhbərinin fikrincə, Çin və Rusiyanın qorxduğu və hörmət etdiyi yeganə ölkə Birləşmiş Ştatlardır. O əlavə edib ki, ABŞ həm NATO-nun əsas dayağıdır, həm də Çin və Rusiyanı çəkindirən yeganə real gücdür.
19:56 07.01.2026
Oxunuş sayı: 2580
