ABŞ-dən İrana xəbərdarlıq: Etirazçıları öldürsəniz, nəticəsi ağır olacaq
Dünən ABŞ senatoru Lindsi Qraham İranda davam edən kütləvi etirazlarla bağlı "Fox News" telekanalına açıqlama verib. O, ABŞ prezidenti Donald Trampın İran xalqına əvvəlki administrasiyalardan fərqli mövqe sərgilədiyini bildirib.
Crossmedia.az xarici mediaya istinadən xəbər verir.
Qraham deyib ki, Tramp Barak Obama deyil və İran xalqını tək buraxmayacaq. Senatorun sözlərinə görə, ayətullah rejimi və ona bağlı qüvvələr etirazçıları öldürməyə davam edərsə, bunun ağır nəticələri olacaq. O, “əgər İran hakimiyyəti zorakılığı davam etdirsə, özlərini ölü hesab etməlidirlər” ifadəsini işlədib.
Qraham, habelə, xatırladıb ki, Donald Tramp yaxın vaxtlarda İslam Respublikasına açıq xəbərdarlıq edib. Tramp bildirib ki, əgər İran təhlükəsizlik qüvvələri etirazçılara atəş açarsa, ABŞ İran xalqını qorumaq üçün müdaxilə edə bilər.
19:37 07.01.2026
Oxunuş sayı: 1533
