Azərbaycan Milli Konservatoriyasında Ümummilli Liderin xatirəsi anılıb
Azərbaycan Milli Konservatoriyasında Azərbaycan xalqının Ümummilli Lideri Heydər Əliyevə həsr olunmuş “Onu zaman seçdi” adlı tədbir keçirilib.
Crossmedia.az xəbər verir ki, tədbir Azərbaycan Milli Konservatoriyası və “Bizi birləşdirən mədəniyyət” İctimai Birliyinin birgə təşkilatçılığı ilə keçirilib.
Əməkdar artist Ramil Qasımov qeyd edib ki, Ümummilli Lider Heydər Əliyev Azərbaycan dövlətinin qurucusu kimi sənətkarlara həmişə xüsusi qayğı göstərib və Azərbaycan musiqisinin inkişafına müstəsna əhəmiyyət verib.
Daha sonra Heydər Əliyevin “Küçələrə su səpmişəm” mahnısını ifa etdiyi kadrlar nümayiş etdirilib.
Tədbirin bədii hissəsində görkəmli bəstəkarların əsərlərindən və Azərbaycan xalq musiqisinin incilərindən ibarət zəngin proqram təqdim olunub.
Konsertdə tanınmış və gənc ifaçılar çıxış ediblər.
17:20 10.12.2025
Oxunuş sayı: 1211
