Qırğızıstan xaricdə dini təhsilə məhdudiyyət tətbiq etdi
Qırğızıstanın Dini və Milli Əlaqələr üzrə Milli Agentliyi 18 yaşınadək şəxslərin dini təhsil almaq məqsədilə ölkədən çıxışını qadağan edən qanun layihəsini ictimai müzakirəyə təqdim edib. Agentlik bildirir ki, təşəbbüsün məqsədi uşaqların hüquqlarını qorumaq və milli təhlükəsizliyi təmin etməkdir.
Crossmedia.az xarici mediaya istinadən xəbər verir ki, son illərdə yetkinlik yaşına çatmayanların xarici dini təhsil müəssisələrinə göndərilməsi hallarının artdığı qeyd olunub. Agentlik bu qurumların bəzilərində uşaqların qapalı mühitə salındığını, psixoloji təsirlərə məruz qaldığını və radikal ideologiyaların aşılanması təhlükəsinin mövcud olduğunu açıqlayıb.
Xatırladaq ki, daha əvvəl Bişkekdə radikal dini qruplaşmanın fəaliyyəti zərərsizləşdirilmişdi.
Nigar Yahyazadə
11:00 29.11.2025
Oxunuş sayı: 1249
