Peskovdan Yermakın istefası barədə açıqlama
Rusiya prezidentinin mətbuat katibi Dmitri Peskov Ukrayna Prezident Administrasiyasının rəhbəri Andrey Yermakın istefası fonunda baş verənləri şərh edərək bildirib ki, Kiyevdə dərin siyasi böhran yaşanır və bu böhran korrupsiya qalmaqalları ilə əlaqəlidir.
Crossmedia.az bu barədə Rusiya mediasına istinadən xəbər verir.
Onun sözlərinə görə, hazırda bunun hansı nəticələrə gətirib çıxaracağını proqnozlaşdırmaq mümkün deyil:
“Kiyevdə baş verən hadisələr dərin siyasi böhranı göstərir. Bu böhran korrupsiya qalmaqalları ilə təhrik olunub. Bunun nə ilə nəticələnəcəyini indi kimsə deyə bilməz. Nəticələr müxtəlif ola bilər.”
Peskov əlavə edib ki, Kiyevdə korrupsiya xüsusən Avropa və ABŞ-nin Ukraynaya müharibə üçün ayırdığı vəsaitlər ətrafında olub və bu, “faktdır”.
Günel Verdiyeva
10:20 29.11.2025
Oxunuş sayı: 1069
