Avropa Parlamenti: İran bəhai icmasına qarşı repressiyaları dərhal dayandırmalıdır
Dünən Avropa Parlamenti İranda bəhai icmasına qarşı artan basqıları qətiyyətlə pisləyərək, İslam Respublikasını bu addımlara dərhal son qoymağa çağıran qətnamə qəbul edib.
Crossmedia.az xarici KİV-ə istinadən xəbər verir ki, qətnamə 549 lehinə, 7 əleyhinə səslə qəbul olunub, 31 üzv isə bitərəf qalıb.
Sənəddə Həmədan və İsfahanda 16 bəhai qadına verilmiş 129 illik həbs cəzası və ötən il 1200 bəhaiyə qarşı açılmış məhkəmə işləri xüsusi olaraq qeyd olunub. Avropa Parlamenti İran hökumətini dinlərinə görə həbs edilən şəxsləri dərhal azad etməyə çağırıb.
Xüsusilə, həbsdə olan bəhai qadınlar barədə narahatlıq ifadə edilib. Onlar ölkədə həbsdə olan bəhai icmasının təxminən üçdə ikisini təşkil edirlər. Qeyd edək ki, bəhai təriqəti İran Konstitusiyası tərəfindən rəsmən tanınmasa da, ölkədə 300 mindən çox bəhai yaşayır.
20:26 28.11.2025
Oxunuş sayı: 786
