Türkmənistan kripto mədənçiliyini və kripto birjalarını qanuniləşdirdi
Türkmənistan prezidenti Serdar Berdiməhəmmədov ölkədə mədənçilik və kripto birjaları fəaliyyətini qanuniləşdirən “Virtual Aktivlər haqqında Qanun”u imzalayıb.
Crossmedia.az xarici KİV-ə istinadən xəbər verir ki, yeni qanun 1 yanvar 2026-cı ildən etibarən qüvvəyə minəcək və ölkənin rəqəmsal iqtisadiyyat sahəsində genişmiqyaslı islahatlarına başlanacağı gözlənilir.
Məlumata görə, 2026–2030-cu illəri əhatə edən “Virtual Aktivlərin Tənzimlənməsi və Mədən Texnologiyalarının Tətbiqi üzrə Yol Xəritəsi” çərçivəsində Türkmənistanda kripto birjalarının yaradılması, rəqəmsal aktivlərin tənzimlənməsi və mədənçilik fəaliyyətinin hüquqi əsaslarının formalaşdırılması planlaşdırılır.
Sənəddə bildirilib ki, layihənin əsas məqsədi ölkəyə yeni investisiyaların cəlb edilməsi, innovativ texnologiyaların tətbiqi və rəqəmsal iqtisadiyyatın inkişaf etdirilməsidir.
20:08 28.11.2025
Oxunuş sayı: 829
