Monte Melkonyanın doğum günündə Kəlbəcərin azadlığı
Bu gün 1993-cü ildə Kəlbəcər sakinlərinə cəmi 10 saat ərzində doğma yurdlarını tərk etmələrini tələb edən, terrorçu və mülki əhaliyə qarşı cinayətləri ilə tanınan Monte Melkonyanın doğum günüdür. Onun rəhbərlik etdiyi silahlı dəstə həmin dövrdə minlərlə dinc insanın öz evlərindən qovulmasına səbəb olmuşdu.
Crossmedia.az xəbər verir ki, tarixin ədalətli təsadüfü kimi, məhz beş il əvvəl – bu günün tarixində – Ermənistan silahlı qüvvələri Kəlbəcəri tərk etməyə məcbur olmuşdu. Ermənistan tərəfi bölgəni tərk edərkən öz mövqelərində ciddi itkilər verərək geri çəkilmiş, Azərbaycan Ordusunun qətiyyətli əməliyyatları nəticəsində işğal sona çatmışdı.
Hadisənin ən simvolik tərəfi isə odur ki, Azərbaycan hərbçisi işğalçını bölgədən çıxmağa məhz Monte Melkonyanın doğum günündə vadar edib. Bu, bir çoxları tərəfindən Azərbaycanın 30 illik ədalət mübarizəsinin rəmzi qələbəsi kimi qiymətləndirilir.
Kəlbəcərin azad edilməsi Azərbaycan tarixində dönüş nöqtəsi olaraq xatırlanır və bu gün həm də şəhidlərin xatirəsinə ehtiramla anılır.
Nastya Qəniyeva
14:33 25.11.2025
Oxunuş sayı: 944
