Türk dövlətlərinin ali audit qurumları birləşdi
İstanbulda türk dövlətlərinin ali audit qurumlarını bir araya gətirən yeni birlik – TÜRKSAİ (Türk Dövlətlərinin Ali Audit Orqanları İttifaqı) təsis edilib.
Crossmedia.az xəbər verir ki, birliyə Türkiyə, Azərbaycan, Qazaxıstan, Qırğızıstan və Özbəkistanın ali audit qurumları daxil olub. Təşkilatın yaradılması ilə bağlı təsis bəyannaməsi beş ölkənin aidiyyəti qurum rəhbərləri tərəfindən imzalanıb.
Tədbirdə çıxış edən Azərbaycan Hesablama Palatasının sədri Vüqar Gülməmmədov qeyd edib ki, Türk Dövlətləri Təşkilatı bu gün təkcə mədəni və iqtisadi əməkdaşlıq platforması deyil, həm də qlobal miqyasda formalaşan real güc mərkəzidir.
Onun sözlərinə görə, türkdilli ölkələrin ortaq coğrafiya, mədəniyyət və tarixə malik olması əməkdaşlığı daha da gücləndirir və qarşılıqlı təcrübə mübadiləsi əsas prioritetlərdən biri kimi ön plana çıxır.
Nigar Yahyazadə
16:55 24.11.2025
Oxunuş sayı: 1712
