İntihar edən Nurcanın ailəsindən ittiham: O, insan alverinin qurbanı olub
Sığınacaqda intihar edən Nurcan Cəfərovanın yaxınları hadisə ilə bağlı yeni iddialar səsləndiriblər. Onların sözlərinə görə, yeniyetmə insan alverinin qurbanına çevrilib və sığınacaq əməkdaşları ona ayrılan pulların bir hissəsini mənimsəyib.
Crossmedia.az yerli mənbələrə istinadən xəbər verir ki, Nurcanın babası Nazim Orucov nəvəsinin meyitində heç bir xəsarət görmədiklərini deyib. Onun sözlərinə görə, sığınacaq rəhbərliyi onlara yalnız 100 manat “sahibsiz uşaq pulu” verib, əlavə 40 manatı isə özlərinin xərclədiyini bildirib.
Hadisə ilə bağlı danışan qızın əmisi Niyazi Orucov də meyitdə zədə izlərinin olmadığını vurğulayıb. O qeyd edib ki, ailəyə qızın nə yerdən yıxıldığı, nə də hadisənin necə baş verdiyi barədə dəqiq məlumat göstərilməyib.
Nurcanın xalası Turanə Həsənova isə bildirib ki, yeniyetmə ondan dəfələrlə sığınacaqdan çıxarılmasını xahiş edib. Xalanın sözlərinə görə, o, qızını götürməyə hazırlaşdığı gün xəstəxanaya düşüb və proses uzanıb. Həmçinin o qeyd edib ki, Nurcan tənha danışmaq istəsə də, telefonun başqa şəxslərdə olması buna imkan verməyib.
Turanə Həsənova əlavə edib ki, qıza ayrılan vəsaiti iki dəfə özü götürsə də, həmin pulları yalnız Nurcanın ehtiyaclarına xərcləyib.
Yaxınlar baş verənlərin ciddi şəkildə araşdırılmasını tələb edirlər.
10:31 23.11.2025
Oxunuş sayı: 5627
