Euronest sessiyasında Azərbaycan və Gürcüstanın iştirakı baş tutmadı – Tbilisidən sərt reaksiya
2025-ci ilin oktyabrında Cənubi Qafqazda keçirilən “Euronest” Parlament Assambleyasının sessiyası regionda siyasi gərginlik və diplomatik narazılıqlar fonunda diqqət çəkdi. Sessiyanın ev sahibi Ermənistan olsa da, Gürcüstan və Azərbaycanın iştirak etməməsi Gürcüstan parlamentinin sədri Şalva Papuaşvilinin sərt tənqidinə səbəb oldu.
Crossmedia.az Gürcüstan mediasına istinadən xəbər verir ki, Azərbaycanın və Gürcüstanın sessiyada iştirak etməməsi, xüsusilə də Cənubi Qafqazda təhlükəsizlik və enerji sahəsində aktual məsələlərin müzakirəsində regionun maraqlarının yetərincə təmsil olunmamasına səbəb olur.
“Parlament Assambleyasının “Euronest” sessiyasının Cənubi Qafqaz regionunda keçirilməsinə baxmayaraq, Azərbaycan və Gürcüstanın bu sessiyada iştirak etməməsi Avropa Parlamentinin davranışında bir uyğunsuzluğun olduğunu göstərir”,– deyə Gürcüstan parlamentinin sədri Şalva Papuaşvili bildirib
“Euronest – Avropa Parlamenti ilə “Şərq Tərəfdaşlığı” ölkələri arasında əməkdaşlıq və dialoq platformasıdır, məqsədi müxtəlif məsələlərin müzakirəsidir. Bu iclasda yalnız iki ölkənin – ev sahibi Ermənistanın və Ukraynanın təmsil olunması artıq Avropa Parlamentinin düzgün hərəkət etmədiyini göstərir. Üstəlik, sessiya Cənubi Qafqazda keçirilir, lakin regionun iki ölkəsi – Azərbaycan və Gürcüstan iştirak etmir. Bu faktın özü onların davranışının doğru olmadığını göstərir”,– deyə Papuaşvili vurğulayıb.
Türkanə Məşədiyeva
16:15 27.10.2025
Oxunuş sayı: 1583
