Paşinyan kilsəni nasizmin mənbəyinə çevirənlərə qarşı çıxıb
Ermənistanın baş naziri Nikol Paşinyan hökumətin balansında olan kilsələri yenidən cəmiyyətə qaytarmaq niyyətində olduğunu bəyan edib və ruhaniləri qəsb və pozğunluqda ittiham edib.
Bu barədə Crossmedia.az xarici KİV-ə istinadən xəbər verir.
“Bu abidələri cəmiyyətə qaytarmaq üçün bütün mənəvi və hüquqi əsaslarımız var. Biz həqiqi mənəvi həyatı bərpa edəcək, keşişləri dəstəkləyəcəyik,” — deyə o, parlamentdə çıxışı zamanı bildirib.
Paşinyan Katolikos II Qaregini “taxtdan salınmış qəsbkar”, onun qardaşı, arxiyepiskop Yezrası isə “KQB agenti” adlandırıb.
“Ruhaninin ‘Bentley’si, sevgilisi, qızılı var və heç kim qarşısında hesabat vermir. Biri KQB agentidir, digəri pozğundur — və hamı susur!” — deyə baş nazir vurğulayıb.
O, münaqişənin kilsə ilə deyil, onu ləkələyən şəxslərlə olduğunu bildirib:
“Erməni Apostol Kilsəsi mənim müqəddəsimdir. Mən onu azad etmək üçün həyatımı belə qurban verərəm, hətta tək qalsam da,” — Paşinyan deyib.
Mehriban İbrahimli
21:46 22.10.2025
Oxunuş sayı: 1283
