Azərbaycanla Fransa arasındakı “soyuq küləklər” səngiyir: Yeni mərhələnin astanasında - Deputat
Azərbaycan Prezidenti İlham Əliyev oktyabrın 16-da Fransanın ölkədə yeni təyin olunmuş fövqəladə və səlahiyyətli səfiri Sofi Laqutun etimadnaməsini qəbul edib.
Səfir etimadnaməsini dövlət başçısına təqdim edib.
Prezident İlham Əliyev Kopenhagendə Fransa Prezidenti Emmanuel Makronla görüşünü xatırladaraq həmin görüşün nəticəsində iki ölkə arasında anlaşılmazlığa səbəb olan məsələlərin keçmişdə qaldığını deyib. İkitərəfli gündəlikdə yeni dövrün başladığını vurğulayan dövlət başçısı, ilk növbədə, insanlararası və biznes nümayəndələrinin təmaslarının, mədəni, humanitar sahələrdə əməkdaşlığın bərpasının və inkişaf etdirilməsinin önəminə toxunub.
Səfir də öz növbəsində Azərbaycanla Fransa arasında münasibətlərdə yeni səhifənin açıldığını deyərək əlaqələrin inkişafı üçün səylərini əsirgəməyəcəyini bildirib.
Görüşdə Azərbaycanla Fransa arasında əlaqələrin müxtəlif istiqamətlərdə, o cümlədən yüksək texnologiyalar və aerokosmik sahələrdə uğurlu inkişafına toxunulub. Hökumətlərarası Komissiyanın fəaliyyətinin bərpasının əhəmiyyəti vurğulanıb, qardaşlaşmış şəhərlər arasında əlaqələr qeyd edildi, biznes nümayəndə heyətlərinin qarşılıqlı səfərlərinin təşkili və müxtəlif layihələrdə Fransa şirkətlərinin iştirakı məsələləri müzakirə olunub.
Azərbaycanla Fransanın enerji sahəsində uğurlu tərəfdaşlığı və bu xüsusda ölkəmizlə "Total" şirkəti arasında əməkdaşlığın önəmi qeyd edilib.
Söhbət zamanı bir çox sahədə münasibətlərimizin perspektivlərinə dair fikir mübadiləsi aparılıb, əməkdaşlığın davam etdirilməsinin vacibliyi vurğulanıb.
Bundan sonra ikitərəfli münasibətlərin mümkün inkişaf dinamikası barədə Crossmedia.az-a danışan Milli Məclisin deputatı Azər Badamov söyləyib ki,
Azərbaycanla Fransa arasındakı soyuq dövür başa çatıb: “Çünki münasibətlərin gərginləşməsinin səbəbi Fransanın ölkəmizə qarşı tutduğu qərəzli mövqe və ədalətsiz siyasəti dayanırdı. Fransa birtərəfli şəkildə Ermənistanın çirkin planlarını dəstəkləyirdi və beynəlxalq platformalarda Azərbaycana qarşı təzyiq göstərməyə çalışırdı. İndi isə Azərbaycanla Ermənistan arasında sülh gündəliyinin təsdiqlənməsi Fransa üçün ölkəmizlə qərəzin davam etdirməyin mənasını saxlamadı. Son vaxtlar Kopenhagen və Şarman-əl Şeyxə səfərləri zamanı prezidentlər çox səmimi görüşüblər və iki ölkə arasında münasibətlərin yenidən formalşdırılması üçün maraqlı olduqlarını nümayiş etdriblər. Fransanın ölkəmizdə yeni təyin olunmuş səfirinin qəbulu zamanı da İkitərəfli gündəlikdə yeni dövrün başladığını vurğulayan dövlətimizin başçısı, ilk növbədə, insanlararası və biznes nümayəndələrinin təmaslarının, mədəni, humanitar sahələrdə əməkdaşlığın bərpasının və inkişaf etdirilməsinin önəmini qeyd etdi. Azərbaycanla Fransa arasında əməkdaşlığın dərinləşdirlməsi gündəliyi çox genişdir. Hesab ediəm ki, ölkələrimiz arasında davam etmiş çətin dövür arxada qalıb və biz qarşılıqlı hörmət əsasında yenidən əməkdaşlığımızn genişləndirlməsi üzərində işləyəcəyik”.
Kənan Novruzov
19:51 16.10.2025
Oxunuş sayı: 17520
