Ukrayna Rusiyanın neft zavodlarını hədəfə alır
Ukrayna Rusiyanın neft emalı sənayesinə qarşı aparılan hücumlarda öz istehsalı olan silahlardan geniş istifadə etdiyini bildirir. Ukrayna Müdafiə Nazirliyinin Baş Kəşfiyyat İdarəsinin rəhbəri Kirill Budanov deyib ki, Rusiyanın neft emalı zavodlarına edilən hücumların 99%-i məhz Ukrayna silahları ilə həyata keçirilib.
Crossmedia.az xarici mediaya istinadən xəbər verir ki, bu barədə Budanov bildirib ki, əvvəlki mərhələdə bu hücumlar xarici dəstək olmadan aparılırdı, lakin indi ölkənin öz istehsalı onlara hərəkət azadlığı verib: “Öz istehsalımız bizə imkan verdi ki, qüvvələrimizi və vasitələrimizi istədiyimiz kimi istifadə edək və nəticəni görək”.
O həmçinin vurğulayıb ki, Ukrayna tərəfindən həyata keçirilən bu hücumlar Rusiya iqtisadiyyatına tətbiq olunan Qərb sanksiyalarından daha çox zərər vurub.
Nigar Yahyazadə
18:25 16.10.2025
Oxunuş sayı: 1053
