“Tramp Marşrutu” üzrə sərhəd: Ermənistan və Azərbaycan delimitasiya işlərinə başlayır
Ermənistan və Azərbaycan TRIPP layihəsi (“Beynəlxalq sülh və rifah üçün Tramp marşrutu”) çərçivəsində müəyyən edilmiş sahələrdə delimitasiya işlərinə start verəcək. Bu sahələrdə kommunikasiya inşaatına başlamazdan əvvəl sərhəd xəttini dəqiq müəyyən etmək məqsədilə delimitasiya və demarkasiya aparılacaq.
Crossmedia.az xəbər verir ki, bu barədə Ermənistanın baş naziri Nikol Paşinyan Erməni mətbuatına bildirib.
Baş nazir qeyd edib ki, kommunikasiya layihələri aktivləşdikcə, tərəflər bu məsələyə daha çox diqqət ayıracaq və nəticədə delimitasiya prosesi də sürətlənə bilər. Sərhədin digər sahələrində isə komissiyalar işlərini davam etdirəcək.
Paşinyan vurğulayıb ki, delimitasiya və kommunikasiya açılışı eyni zamanda Azərbaycan və Ermənistan baş nazir müavinləri tərəfindən koordinasiya olunur.
Fidan Quliyeva
18:06 16.10.2025
Oxunuş sayı: 1283
