Paşinyan Sünik vilayətinin bir hissəsini Azərbaycanın nəzarətinə verəcək
Ermənistan administrasiyası tərəfindən uzun müddət ərzində hazırlanmış münasibətlərin normallaşdırılması planına əsasən, Kafan şəhərindən Naxçıvan ərazisinə qədər Zəngəzur dəhlizi boyunca uzanan və ümumi sahəsi 1200 kvadrat kilometr olan ərazi Azərbaycanın nəzarətinə veriləcək.
Crossmedia.az "Yeniakit" nəşrinə istinadən xəbər verir ki, Paşinyanın “Dördüncü Respublika” adlandırdığı bu yeni regional geosiyasi plan çərçivəsində Türkiyə də keçmiş Ermənistan sərhəd-keçid məntəqəsi olan “Marqara” yaxınlığında yerləşən kiçik təhlükəsizlik zonasının faktiki sahibi olacaq. Bildirilir ki, bu ərazi Türkiyənin xüsusi inzibati nəzarəti altında olacaq.
Paşinyanın planı Türkiyə üçün böyük iqtisadi əhəmiyyət daşıyır, çünki bu plan türkdilli xalqların yaşadığı Mərkəzi Asiya ölkələrinə və Xəzər dənizinə quru çıxış imkanı yaradır.
Türkiyə və Ermənistan mediasının məlumatına görə, yaxın günlərdə Paşinyanın bu mövzu ilə bağlı rəsmi açıqlama verməsi mümkündür.
Pərvin Hacıyeva
16:20 16.10.2025
Oxunuş sayı: 1083
