Polşa səfiri İran XİN-nə çağırılıb
Polşa xarici işlər nazirinin Rusiyanın Ukraynaya qarşı müharibəsində İran istehsalı pilotsuz təyyarələrdən istifadə edilməsi ilə bağlı açıqlamasına cavab olaraq, bu gün Polşanın Tehrandakı səfiri Marcin Vilçek İran Xarici İşlər Nazirliyinə çağırılıb.
Crossmedia.az xəbər verir ki, görüş İran Xarici İşlər Nazirliyinin Aralıq dənizi və Şərqi Avropa İdarəsinin rəisi Mahmud Heydəri ilə baş tutub. Heydəri Polşa nazirinin çıxışını qınayıb və bu açıqlamanı “yalan ittihamlar”, “əsassız” və “İranın daxili işlərinə qarışma” kimi qiymətləndirib. O, İranın rəsmi etirazını Polşa tərəfinə təqdim edib.
Səfir Vilçek cavab olaraq, Polşanın İranla dostluq münasibətlərini qorumaqda maraqlı olduğunu bildirib və Tehrandakı etirazın tezliklə Varşavaya çatdırılacağını bildirib. (ISNA)
Qeyd edək ki, dünən Polşa XİN-nin rəhbəri Radoslav Sikorski Britaniya parlamentində çıxışı zamanı Rusiyanın Ukrayna müharibəsində istifadə etdiyi İran istehsalı dronu nümayiş etdirmişdi.
16:17 16.10.2025
Oxunuş sayı: 7914
