İranın kölgəsində “Hüseyniyyun”:Azərbaycana yönəlik təxribatçı planlar
Son günlər İranda gizlənən “Hüseyniyyun” adlı radikal terror təşkilatının sosial mediada fəallığı yenidən artıb.
Crossmedia.az xəbər verir ki, qrup üzvləri TikTok və digər platformalarda müxtəlif çağırışlarla çıxış edir, dini şüarlar altında siyasi məqsədlər daşıyan paylaşımlar edirlər.
“Hüseyniyyun” təşkilatı özünü “müqavimət hərəkatı” kimi təqdim etsə də, yerli və beynəlxalq mənbələr onu SEPAH-ın Qüds qanadı ilə əlaqəli radikal silahlı qruplaşma kimi dəyərləndirir.
2015–2016-cı illərdə formalaşan bu təşkilatın əsas məqsədinin Azərbaycanda İranın ideoloji xəttinə uyğun teokratik sistem qurmaq olduğu bildirilir. Qrupun rəhbəri kimi Tohid İbrahimbəyli göstərilir – onun uzun müddət İranda dini təhsil aldığı və hazırda orada sığınacaq tapdığı deyilir.
16:11 16.10.2025
Oxunuş sayı: 8145
