Ermənistan parlamentinin vitse-spikeri kilsəni “Ktriç Nersisyanın təzyiqlərindən qorumağa” çağırdı
Ermənistan Milli Məclisinin vitse-spikeri, hakim “Vətəndaş müqaviləsi” partiyasının idarə heyətinin üzvü Ruben Rubinyan, erməni kilsəsi ətrafında yaranan gərginliklə bağlı açıqlama verib. O, cəmiyyətə və din xadimlərinə müraciət edərək, “Ktriç Nersisyanın (Qaregin II) təxribatlarına uymamağa və kilsəni ondan qorumağa” çağırıb.
Crossmedia.az xəbər verir ki, Rubinyan bu barədə fikirlərini sosial şəbəkədə bölüşüb:
"Ktriç Nersisyan və onun həmfikirləri – kilsənin içindən və xaricindən olan digər bolşeviklər tərəfindən təqib olunmağa cəhd edilən bütün monastır ruhanilərinə, ailəli keşişlərə, vardapetlərə, yepiskoplara və digər xidmətçilərə həmrəyliyimi bildirirəm. Təxribatlara uymamağa və kilsəni Ktriç Nersisyandan qorumağa çağırıram. Andını pozan şəxs getməlidir".
Ermənistan mediasının məlumatına görə, Rubinyanın bu açıqlaması son vaxtlar Ermənistan Apostol Kilsəsində baş verən daxili qarşıdurmalara və patriarx Qaregin II ətrafında artan narazılıqlara cavab kimi qiymətləndirilir.
11:53 16.10.2025
Oxunuş sayı: 6816
