Dövlətə xəyanətdə ittiham olunan Ramiz Mehdiyev cinayət məsuliyyətinə cəlb olundu
Prezident Administrasiyasının sabiq rəhbəri Ramiz Mehdiyev barəsində məhkəmə qərarı ilə 4 ay müddətinə ev dustaqlığı qətimkan tədbiri seçilib. Crossmedia.az xəbər verir ki, Ramiz Mehdiyev Xüsusilə ağır cinayət əməllərinə görə cinayət məsuliyyətinə cəlb olunub.
Bakı şəhəri Səbail rayon məhkəməsi Mehdiyev Ramiz Ənvər oğlu barədə cinayət işi üzrə qərar qəbul edib.
Qərara əsasən məhkəmə xüsusilə ağır cinayət əməllərinə görə cinayət məsuliyyətinə cəlb edilmiş Ramiz Mehdiyev barədə verilmiş vəsatəti təmin edərək, 4 ay müddətinə ev dustaqlığı qətimkan tədbiri seçib.
Ramiz Mehdiyevin ittiham edildiyi maddələr açıqlanıb.
O, Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
22:43 14.10.2025
Oxunuş sayı: 14312
