Şahbaz Şərif: Pakistanın müdafiəsində heç bir güzəşt olmayacaq
Pakistanın Baş naziri Şahbaz Şərif Əfqanıstanın sərhəd bölgələrində həyata keçirdiyi aqressiv addımları kəskin şəkildə pisləyib və Pakistan ordusunun güclü cavab verdiyini bildirib.
Bu barədə Crossmedia.az "Daily Pakistan"a istinadən xəbər verir.
Baş nazirin sözlərinə görə, ölkənin silahlı qüvvələri bir neçə əfqan postunu məhv edərək qarşı tərəfi geri çəkilməyə məcbur edib.
“Pakistanın müdafiəsində heç bir güzəşt olmayacaq və hər bir təxribat qətiyyətlə cavablandırılacaq,” — deyə Şərif vurğulayıb və ordunun peşəkarlığına, gücünə tam inam ifadə edib.
Şahbaz Şərif həmçinin Əfqanıstan ərazisində fəaliyyət göstərən terror qruplarının yaratdığı davamlı təhlükəyə diqqət çəkib. O bildirib ki, İslamabad bu məsələ ilə bağlı Kabula müvafiq kəşfiyyat məlumatları təqdim edib.
Baş nazir Taliban hökumətini Əfqanıstan ərazisinin Pakistan əleyhinə hücumlar üçün istifadəsinə yol verməməyə çağırıb.
“Millət təhlükəsizlik qüvvələrimizlə birdir,” — deyə Şərif əlavə edib və ölkənin müdafiəsinin sarsılmaz olduğunu vurğulayıb.
Fidan Quliyeva
15:23 12.10.2025
Oxunuş sayı: 8434
