Aİ nümayəndəsi: Xaricdən gələn qonaqlar həmişə Azərbaycan mədəniyyətinə heyran qalıblar
Xaricdən gələn qonaqlar həmişə Azərbaycanın mətbəx və mədəniyyətinə heyran qalıblar.
Crossmedia.az xəbər verir ki, bunu Avropa İttifaqının Azərbaycandakı müvəqqəti işlər vəkili Gediminas Varanaviçius Bakıda Avropa Oyunlar Parkında üçüncü “Avropa Təamları” Kulinariya Festivalının açılışında deyib.
O, festivalda iştirak edənləri Avropa mətbəxi ilə yaxından tanış olmağa çağırıb və kulinariyanın Azərbaycan və Aİ ölkələri arasında mədəni əlaqələrin inkişafına mühüm töhfə verə biləcəyini deyib.
Qeyd edək ki, “Avropa Təamları” kulinariya festivalında Belçika, Fransa, Yunanıstan, Litva, Polşa, Slovakiya, İspaniya, İsveç və Ukrayna mətbəxləri ayrı-ayrı stendlərdə təmsil olunur.
Avropa mətbəxini Azərbaycan ictimaiyyətinə nümayiş etdirmək məqsədi daşıyan bu tədbirdə yerli fermerlər Aİ layihəsinin dəstəyi ilə ərsəyə gətirdikləri orqanik ərzaq məhsullarını satışa çıxarırlar.
14:01 11.10.2025
Oxunuş sayı: 2969
