Bu gün Azərbaycanın 5 oğlan boksçusu qızıl medal uğrunda döyüşəcək
Bu gün MDB Oyunlarında oğlan boksçular arasında final döyüşləri baş tutacaq.
Crossmedia.az xəbər verir ki, Azərbaycan millisinin 5 boksçusu həlledici mərhələdə qızıl medal uğrunda rinqə çıxacaq. Final görüşlərində ölkəmizi Qardaş Rəhimov (46 kiloqram), Əli Əliyev (48 kiloqram), Əli Abaslı (52 kiloqram), Şahin Aslanov (60 kiloqram) və Səfdər Məmmədzadə (+80 kiloqram) təmsil edəcəklər.
Qeyd edək ki, daha əvvəl Əli Ruşanov (46 kiloqram), Ayxan Həsənov (50 kiloqram), Əflatun İsmiyev (57 kiloqram), Raul Heydərli (57 kiloqram), Haqverdi Həsənov (63 kiloqram), Adil Zalov (70 kiloqram), Şikar Əliyev (75 kiloqram), Toğrul Quliyev (60 kiloqram) və İsmayıl Vəliyev (80 kiloqram) yarımfinalda məğlub olaraq bürünc medalla kifayətləniblər. (Report)
09:32 05.10.2025
Oxunuş sayı: 7380
