Albaniya Baş Naziri “Azərbaycanla sülh” barədə sözlərinin yanlış anlaşıldığını bildirib
Albaniya baş naziri Edi Rama “Azərbaycanla sülh” barədə zarafatla dediyi sözlərin siyasi hücum alətinə çevrildiyini açıqlayıb. Crossmedia.az xəbər verir ki, bu barədə X sosial şəbəkəsində Rama özü paylaşım edib.
O qeyd edib ki, zərərsiz bir zarafat qəfil dünya mediasının başlıqlarına çevrilib və görüşün əsas nəticələrini kölgədə qoyub.
“Doğrudan da təəccüblüdür ki, müasir media necə işləyir və ‘virallıq’ deyilən anlayış reallığı bu qədər asan təhrif edə bilir. Yaxşı əhval-ruhiyyədə, dostluq ruhunda deyilən bir ifadə qəflətən bütün sammitin manşetinə çevrilir, halbuki əsas məzmun diqqətdən kənarda qalır,” – Rama bildirib.
Baş nazir əlavə edib ki, onun sözləri ABŞ prezidenti Donald Trampın Ermənistan və Albaniyanı səhv salmasına istinad idi.
“Bu gün köhnə dostum İlham Əliyevlə görüşmək və Emmanuel Makronun iştirakında Trampın sözlərinə istinad etmək maraqlı idi. Amma bu, sadəcə dostcasına bir məqam idi,” – deyə Rama vurğulayıb.
18:11 04.10.2025
Oxunuş sayı: 2705
