Bir qarış torpağımız belə düşməndə qalmadı - Deputat
Cəbrayılın azad edilməsi Azərbaycanın müasir tarixində qürur və qəhrəmanlıq səhifəsi kimi yadda qalıb. 2020-ci ilin oktyabrında Azərbaycan Ordusunun həyata keçirdiyi uğurlu hərbi əməliyyatlar nəticəsində Cəbrayıl şəhəri və onun ətraf kəndləri uzun illər işğal altında qaldıqdan sonra azad edildi. Bu tarixi hadisə təkcə bir şəhərin deyil, bütövlükdə Vətən torpaqlarının azadlığı uğrunda aparılan mübarizənin rəmzinə çevrildi. Cəbrayılın azadlığı həm də xalqımızın birliyinin, Ordumuzun gücünün və Ali Baş Komandan İlham Əliyevin qətiyyətli rəhbərliyinin təntənəli nəticəsi idi. Bu gün Cəbrayıl qalib xalqın iradəsinin, ədalətin və tarixi haqqın bərpasının simvolu kimi ucalır.
Milli Məclisin deputatı Tural Gəncəliyev Cəbrayılın azad edilməsi ilə bağlı fikirlərini Crossmedia.az-la bölüşüb:
“Bu gün Cəbrayılın azad edilməsi günüdür. 44 Günlük Vətən müharibəsi ərzində Cəbrayıl və onun kənar kəndlərinin azad edilməsini böyük coşqu ilə qeyd edirdik. Cənab Prezidentimiz müharibənin gedişi haqqında xəbərləri bölüşdükcə biz qələbəmizin sona qədər olacağından əmin idik. Cəbrayılın azad edilməsilə bütün digər torpaqlarımızın azad edilməsi yolundan keçdik. Bir qarış torpağımız belə düşməndə qalmadı. Bu gün Cəbrayılın azad edilməsini xatırlayarkən 5 il əvvəl 44 Günlük müharibədəki hisslərimizi, qələbəmizə sevindiyimizi, şəhidlərimizi, qəhrəmanlarımızı xatırlayırıq. Həqiqətən də şükürlər olsun ki, biz Cəbrayılın işğal gününü anmırıq, azad olunduğu günü “Cəbrayıl Günü” kimi qeyd edirik”.
Ayhan
15:24 04.10.2025
Oxunuş sayı: 2955
