Fatimə Şəfizadə: "Gimnastların sabah da layiqli mübarizə aparacaqlarına inanıram"
Azərbaycan Gimnastika Federasiyasının baş katibi Fatimə Şəfizadə
idmançıların növbəti yarışlarda layiqli nəticələr göstərəcəyinə inanır.
Crossmedia.az xəbər verir ki, bunu federasiya
rəsmisi jurnalistlərə açıqlamasında deyib.
O,
gimnastların nəticələrini dəyərləndirib:
"Dünən
təsnifat yarışları olmuşdu. Bu gün komanda finalında çıxış etdik.
Sevindirici haldır ki həm qızlar, həm də oğlanlar arasında finalda təmsil
olunduq. Qızların yarışında istədiyimiz nəticələri əldə etməsək də, oğlanlar
bizi sevindirdilər. Azərbaycana gümüş medal qazandırdılar. 5 finalda mübarizə aparacayıq. İnanıram ki, idmançılarımız layiqli çıxış edəcəklər.
Şəki camaatını gimnastika yarışlarına dəvət edirəm, onları Azərbaycan
idmançılarına dəstək olmağa çağırıram".
Qeyd edək ki gimnastika yarışlarına
oktyabrın 8-də yekun vurulacaq.
22:55 02.10.2025
Oxunuş sayı: 8303
