Aqil Abbas: Qurbanov Avropanın ən peşəkar məşqçilərindəndir
Bakıda futbol sevənlər üçün unudulmaz an yaşanıb. "Qarabağ" komandası Çempionlar Liqasının qrup mərhələsinin ikinci turunda Kopenhageni 2:0 hesabı ilə məğlub edərək həm özünə inamını sübut etdi, həm də azarkeşlərini sevindirdi.
Bu qələbə "Qarabağ"ın Avropa səhnəsində davamlı yüksəlişinin göstəricisidir. İlk turda Benfiqaya səfərdə 3:2 hesabı ilə qalib gələn Qarabağ indi isə "evdə"“Kopenhagen”i məğlub etməsi özünə həm kommessional uğur, həm də qrupdakı mövqelər baxımından böyük üstünlük qazandırdı.
Oyun boyu taktiki intizam, kollektiv ruh və liderlərimizin sahədə qətiyyəti ön planda oldu. Rəqibin müdafiəsini sındırmaq üçün açılış nöqtələri, paragöz taperlərdən istifadə, sürətli hücumlar və topa nəzarəti qorumaq bütün bunlar Qarabağın üstün tərəfləri idi. Ayrıca, rəqibin baş məşqçisi belə “Qarabağın oyunu ideal” ifadəsini işlədərək rəqibin səviyyəsini etiraf etdi.
Bu matç yalnız qələbəylə bitmədi "Qarabağ"ın baş məşqçi Qurban Qurbanovun rəhbərliyi ilə stratejik üstünlüyə necə oynaya biləcəyini bütün Avropaya göstərdi.
Əzmkar qələbə münasibətilə Crossmedia.az-a açıqlama verən Milli Məclisin deputatı Aqil Abbas "Qarabağ" komandasının əzmkarlığı ilə dünya futbolun bir daha örnək olduğunu qeyd edib: "Əvvəldən demişdim ki, "Qarabağ" qalib gələcək. Həmişə "QarabağÜ komandasına inanmışam, bu gün də həm inanıram, həm də uğur arzulayıram. Komandamız çox gözəl oyun nümayiş etdirdi. Biz bir daha sübut etdik ki, Qurban Qurbanov Avropanın ən peşəkar, ən ağıllı və savadlı məşqçilərindən biridir. Futbolçularımız da onun tapşırıqlarını dəqiq yerinə yetirdilər.Oyun çox yüksək səviyyədə keçdi və bu qələbə həm də Möhtərəm Prezidentimizin idmana göstərdiyi diqqət və qayğının bəhrəsidir. "Qarabağ"ın bu uğuru bir mənada cənab Prezidentə hədiyyə oldu. Biz də bu münasibətlə Möhtərəm Prezidentimizə təbriklərimizi çatdırırıq".
Deputat, həmçinin bu qələbənin digər oyunlar üçün "Qarabağ"a ciddi motivasiya verəcəyini qeyd edib: "Bu qələbə "Qarabağ"a növbəti oyunlar üçün əlavə motivasiya və güc verəcək. İnanıram ki, qarşıdakı matçlarda da "Qarabağ" layiqli çıxış edəcək və Çempionlar Liqasının növbəti mərhələlərində də mübarizəsini uğurla davam etdirəcək. Allahın köməyi ilə daha böyük nailiyyətlər əldə ediləcək"- deyə o bildirib.
Elmir Heydərli
12:54 02.10.2025
Oxunuş sayı: 7989
