Rusiyanın idman nazirinin müavini: "III MDB Oyunlarının təşkilatçılığı möhtəşəmdir"
Azərbaycanda III MDB Oyunlarının təşkilatçılığı möhtəşəmdir.
Crossmedia.az xəbər verir ki, bunu Rusiyanın idman nazirinin müavini Aleksey Morozov jurnalistlərə açıqlamasında deyib.
O, xüsusən də açılış tədbirinin hamını təəccübləndirdiyini bildirib:
"Əsas nümayəndələrimiz sentyabrın 28-də III MDB Oyunlarının açılışına gəldilər. Buradakı qəbul, təşkilatçılıq və bizi necə qarşıladıqlarını görüb heyrətə gəldik. Hər şey dəqiqdir, nəqliyyat yaxşı işləyir, idmançılar, məşqçilər əla otellərdə yerləşdiriliblər, yemək möhtəşəmdir. Açılış mərasimi hamını təəccübləndirdi. Biz bu barədə çox danışdıq, təəssüratlarımızı bölüşdük. Saat yarım ərzində həm mədəni hissə, həm Azərbaycanın tarixi, inkişafı, həm də müasirliyi əhatə olundu. Çox rəngli, müasir, hətta mən deyərdim, innovativ alındı. Hamının çox xoşuna gəldi. Qəbul və təşkilatçılıq möhtəşəmdir, bizim ən yaxşı, ən isti hisslərimiz buradadır". (Report)
15:15 01.10.2025
Oxunuş sayı: 6210
