BMT BA-nın sessiya sədri: İqlim dəyişikliyi səbəbindən hər il təxminən 40-50 milyon insan didərgin düşür
İqlim dəyişikliyi səbəbindən hər il təxminən 40-50 milyon insan yaşadığı yerlərdən didərgin düşür.
Crossmedia.az xəbər verir ki, bunu BMT Baş Assambleyasının (BA) 73-cü sessiyasının sədri Maria Fernanda Espinosa "Bakı İqlim Fəaliyyəti Həftəsinin (BCAW2025) ikinci günündə çıxışı zamanı deyib.
Onun sözlərinə görə, iqlim anlayışı yerli səviyyədə təmin edilməlidir: "Əgər hər hansı cavab tədbiri olacaqsa, bu, birgə olmalıdır. Bəzən unuduruq ki, verdiyimiz qərarlar insanların həyatına təsir edir. Bu, həm də yoxsulluq yaradır".
M.F.Espinosa vurğulayıb ki, heç bir iqlim tədbiri resurslar olmadan baş tuta bilməz: "Enerji məsələlərindən danışırıq, 750 milyon insan var ki, onların enerjiyə çıxışı yoxdur. Bütün bu müzakirələrin təməlində Azərbaycan və digər ölkələr çalışır ki, bərpa olunan enerjiyə keçsin. COP30 həm də həmrəylik platforması olacaq. Riskləri görüb hərəkət etməliyik. Profilaktika tədbirlərinə köklənməliyik".
12:24 30.09.2025
Oxunuş sayı: 5213
