XİN müavini: Azərbaycan COP31 danışıqlarında vasitəçilik edir
Azərbaycan “COP 31” -in təşkili ilə bağlı Türkiyə və Avstraliya arasında gedən danışıqlarda vasitəçilik edir.
Crossmedia.az xəbər verir ki, bunu Azərbaycan Xarici İşlər Nazirinin müavini Yalçın Rəfiyev jurnalistlərə açıqlamasında deyib.
“Bildiyiniz kimi, Türkiyə və Avstraliya “COP 31” -ə namizəddirlər. Bu iki ölkə arasında gedən mübarizədə Azərbaycan vasitəçi rolu oynayır. COP 29 sədrinin mənə verdiyi mandata əsasən, Türkiyə və Avstraliya arasında gedən danışıqlarda mən vasitəçilik edirəm. Ötən həftə Nyu- Yorkda kifayət qədər intensiv müzakirələrimiz olub. Danışıqlar müsbət istiqamətdə irəliləyir və yaxın gələcəkdə nəticələrə şahid olacağıq. Mümkündür ki, Türkiyə və Avstraliya müştərək formada “COP 31” -ev sahibliyi etsinlər” - Yalçın Rəfiyev bildirib.
11:26 29.09.2025
Oxunuş sayı: 3191
