III MDB Oyunlarının bürünc medalçısı: Bayrağımızı digərləri sırasında dalğalandırmaq şərəfdir
III MDB Oyunlarında iştirak etmək çox
böyük təcrübədir.
Crossmedia.az xəbər verir ki, bunu III MDB Oyunlarında bürünc medal
qazanan Azərbaycan stend atıcısı Cavid Həsənov jurnalistlərə açıqlamasında
deyib.
"Bununla sonlanmır, növbəti
nailiyyətlərə imza atmağa çalışacağıq. Maraqlı təcrübə oldu, ölkəmizi gələn
yarışlarda daha yaxşı təmsil etmək istəyirik. Rəqiblərimiz kifayət qədər güclü
idi. Biz də hazırlaşmışdıq, intensiv məşqlərimiz olmuşdu. Burada tam gücümüzü
qoymağa çalışırıq. Yarışlar bitməyib, sabah da olacaq və biz də əlimizdən
gələni edəcəyik. Bayrağımızı digər medalçılar sırasında dalğalandırmaq bizim
üçün şərəf hissidir", - idmançı bildirib.
Qeyd edək ki, Cavid Həsənov stend
atıcılığı üzrə yarışda bürünc mükafat qazanıb.(Report)
19:26 28.09.2025
Oxunuş sayı: 7886
