Rusiya yığmasının stolüstü tennisçisi: "Azərbaycan taktiki cəhətdən yaxşı hazırlaşmışdı"
Azərbaycanın stolüstü tennisçilərdən ibarət qarışıq qoşa
komandası Rusiyaya qarşı taktiki cəhətdən yaxşı hazırlaşıb.
Crossmedia.az xəbər verir ki, bunu Rusiya
millisinin üzvü Yevgeni Vasikov yarımfinal matçından sonra jurnalistlərə
açıqlamasında deyib.
O,
görüşün çətin keçdiyini söyləyib:
"Matç
çox çətin keçdi, çünki üçüncü partiyada 2:7 hesabı ilə uduzduq. Azərbaycandan
olan cütlük matça çox yaxşı hazırlaşmışdılar. Görünür, mənim və komanda
yoldaşımın qarışıq cütlükdə necə oynadığımıza baxmışdılar. Onlar taktiki
cəhətdən və mənəvi olaraq çox yaxşı hazırlaşmışdılar, lakin biz bu matçı çevirə
bildik".
O,
finalda yaxşı tennis nümayiş etdirəcəklərinə inanır:
"Finalda
öz komanda yoldaşlarımızla oynayacağıq. İki rus cütlüyü var. Ümid edirik ki,
gözəl tennis nümayiş etdirəcəyik".
Qeyd
edək ki, qarışıq qoşa komandalar arasında keçirilən görüşdə Azərbaycan
millisini məğlub edən Rusiya finala yüksəlib. Stolüstü tennis yarışlarına sabah
yekun vurulacaq.(Report)
18:54 28.09.2025
Oxunuş sayı: 1699
