“Təhrik-i Taliban Pakistan” Xeybər qırğınına görə Pakistan ordusuna sərt xəbərdarlıq verdi
“Təhrik-i Taliban Pakistan” (Pakistan Talibanı) qrupunun Xeybər bölgəsində baş verən qırğından sonra yaydığı bəyanatda Pakistan ordusuna qarşı sərt çıxış edib. Qrup bəyan edir ki, qadın və uşaqları hədəf alan hər kəs onların üçün hədəfdir və bu cür hücumların hesabı ödəniləcək.
Crossmedia.az xarici KİV-ə istinadən xəbər verir.
Bəyanatda vurğulanır: “İstər İsrail, istərsə də Pakistan ordusu adlansın, bizim üçün fərqi yoxdur. Qadın və uşaqları hədəf alan hər kəsin qanı bizim üçün hədəfdir.”
Bəyanatda həmçinin deyilir: “Puştun millətini dəyərdən salan bu düşmənlər uşaqlarımızı, qadınlarımızı da insan saymırlar. Biz bu bölgədə yaşayan bütün insanlara söz veririk ki, onlar bu qan tökülməsinin hesabını verəcəklər. Bu kafir ordunun bütün generalları bu hücuma görə cavab verəcəklər.”
Bu ritorika regionda gərginliyin artacağı, təhlükəsizlik əməliyyatlarının sərtləşə biləcəyi və sivil itkilərin artması riski barədə narahatlıq yaradır.
20:20 25.09.2025
Oxunuş sayı: 877
