Əmək və sosial siyasət
Bu ilin səkkiz ayında ödənilən sosial müavinətlərin və Prezident təqaüdlərinin miqdarı açıqlanıb
Bu ilin yanvar-avqust aylarında Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən 506 min nəfərə sosial müavinət, 406 min nəfərə Prezidentin aylıq təqaüdü ödənilib.
Nazirliyin İctimaiyyətlə əlaqə şöbəsindən Crossmedia.az-a verilən məlumata görə, həmin dövrdə əhaliyə sosial müavinətlər üzrə 758, Prezident təqaüdləri üzrə 483 milyon manat ödənilib.
Bu ilin 8 ayında 106 min, sosial ödənişlərin elektron təyinatına başlandığı 2019-cu ildən isə 827 min müavinət və təqaüd təyinatı e-sistem üzərindən proaktiv qaydada həyata keçirilib.
10:47 19.09.2025
Oxunuş sayı: 662
