Əli Əsədov: Naxçıvan Sazişi uğurlu inkişaf yolunun başlanğıcı oldu
Ötən il imzalanmasının 15 illiyini qeyd etdiyimiz Naxçıvan Sazişi təşkilatımızın uğurlu inkişaf yolunun başlanğıcı oldu.
Crossmedia.az xəbər verir ki, bunu Baş nazir Əli Əsədov Bişkekdə Türk Dövlətləri Təşkilatının hökumət başçılarının və onların müavinlərinin ilk toplantısında bildirib.
Əli Əsədov deyib ki, bu müddət ərzində ortaq tariximiz, mədəniyyətimiz və dilimiz əsasında çoxşahəli əməkdaşlıq qurmuşuq: “Təşkilatımız bir çox istiqamətdə fəaliyyət göstərir. Coğrafi əhatəsi, təbii resurs potensialı və insan kapitalı təşkilatımızı beynəlxalq aləmdə stratejı əhəmiyyətə malik quruma çevirir. Azərbaycan Republikasının Prezidenti İlham Əliyevin dediyi kimi Türk Dövlətləri Təşkilatı bizim üçün əsas beynəlxalq təşkilatdır, çünki bu, bizim ailəmizdir. Biz təşkilatımızın bölgədə və qlobal miqyasda siyasi və iqtisadi nüfuzunun artmasını tam dəstəkləyirik. Azərbaycan Türk Dövlətləri Təşkilatının üzvü olan bütün dövlətlərlə ikitərəfli müstəvidə strateji tərəfdaşlıq və ya müttəfiqlik münasibətləri qurub”.
14:03 18.09.2025
Oxunuş sayı: 738
