Lavrov: Rusiya tədricən ‘qeyri-dost ölkələr’ terminindən uzaqlaşır
Rusiya xarici işlər naziri Sergey Lavrov bildirib ki, rəsmi Moskva “qeyri-dost ölkələr” terminindən istifadədən tədricən imtina edir. Bu barədə o, “İnterviziya” musiqi müsabiqəsinin hazırlıqlarına həsr olunmuş mətbuat konfransında çıxışı zamanı deyib.
Crossmedia.az xəbər verir ki, jurnalistlər ABŞ və Avropadan bir iştirakçının müsabiqəyə qatılması ilə bağlı sual verərək, gələcəkdə “qeyri-dost ölkələr”dən olan ifaçıların “İnterviziya”ya necə qatıla biləcəyini soruşublar.
“Biz tədricən ‘qeyri-dost ölkələr’ terminindən uzaqlaşırıq. Bəli, bu termin hələ qanunvericilikdə qalır, lakin prezident Vladimir Putin yaxınlarda Vladivostokda keçirilən tədbirdə çıxışı zamanı vurğuladı ki, bizim üçün qeyri-dost ölkələr yoxdur – sadəcə Rusiya Federasiyasına qarşı qeyri-dost siyasət aparan hökumətlər var”, – deyə Sergey Lavrov cavab verib.
Nicat Rüstəmzadə
13:13 16.09.2025
Oxunuş sayı: 999
