ABŞ razılaşması Ermənistan-Azərbaycan sülhünə ümid yaradır
Avropa İttifaqının Ermənistandakı nümayəndəliyinin rəhbəri Vasilis Maragos Ermənistanın Avropa İttifaqına (Aİ) üzvlüyü və regiondakı sülh prosesləri barədə açıqlama verib.
Crossmedia.az-ın məlumatına görə, Maragos bildirib ki, Avropa İttifaqına üzvlük üçün aydın və konkret qaydalar mövcuddur: "Üzvlük üçün ölkələr arasında konsensus olmalıdır və namizəd ölkələr rəsmi müraciət təqdim etməlidir. Hazırda Ermənistan belə bir müraciət verməyib. Belə bir addım atılsa, biz qaydalara uyğun hərəkət etməliyik".
O, həmçinin Ermənistan ilə Azərbaycan arasında münasibətlərin tam şəkildə tənzimlənməsi imkanlarına toxunub:
"Əvvəlcə Vaşinqtonda əldə olunan razılaşmaları, sülh sazişinin paraflanmasını alqışladıq. Bu, irəliləyiş üçün çox yaxşı baza yaradır. Ümid edirəm ki, sülh sazişi yaxın zamanda imzalanacaq. Biz regionda sülhün təmin olunmasına dəstək verməyə hazırıq. Bu, əsasən region xalqlarından asılıdır, amma biz də bu prosesə töhfə verməyə çalışacağıq. Mən Avropa İttifaqının Ermənistandakı nümayəndəsiyəm və ümid edirik ki, bütün tərəflər öhdəliklərini yerinə yetirəcək".
Fatimə Məmmədova
13:33 15.09.2025
Oxunuş sayı: 560
