Kürşat Zorlu: Naxçıvan TDT daxilində xüsusi əhəmiyyət daşıyan mərkəzdir
Naxçıvan həm Türk Dövlətləri Təşkilatı (TDT) çərçivəsində, həm də Azərbaycan–Türkiyə münasibətlərində xüsusi əhəmiyyət daşıyan mərkəzdir.
Crossmedia.az
xəbər verir ki, bunu Türkiyənin hakim Ədalət və İnkişaf Partiyasının (AK Parti)
sədr müavini və Türk Dövlətləri ilə Əlaqələr Baş İdarəsinin rəhbəri Kürşat
Zorlu Naxçıvanda jurnalistlərə açıqlamasında deyib.
O
bildirib ki, bu çərçivədə Azərbaycan–Türkiyə münasibətləri ən yüksək səviyyədədir
və dünyada nadir hallarda rast gəlinən dostluq, qardaşlıq və güclü müttəfiqlik
üzərində qurulub:
"Biz
"bir millət, iki dövlət" şüarı ilə hərəkət edən bütöv birliyik.
Naxçıvan həm Türk Dövlətləri Təşkilatı çərçivəsində, həm də Azərbaycan–Türkiyə
münasibətlərində xüsusi əhəmiyyət daşıyan mərkəzdir. 2009-cu ildə imzalanmış
müqavilə də məhz burada gerçəkləşmişdir. İndi isə yeni bir mərhələyə qədəm
qoyuruq. Belə ki, Türkiyə–Azərbaycan münasibətləri ilə yanaşı, Azərbaycan–Ermənistan
arasında həyata keçiriləcək layihələr çərçivəsində Naxçıvanı Azərbaycana birləşdirəcək
dəhliz açılacaq. Bu reallaşdığı təqdirdə Naxçıvan təkcə iki ölkə üçün deyil,
bütün Türk dünyası üçün ən önəmli logistik mərkəzlərdən birinə çevriləcək. Biz
də bu hədəf və inamla AKP olaraq Naxçıvana gəlmişik və bu, Türk dünyasına
verdiyimiz dəyərin bir parçasıdır".
Kürşat
Zorlunun sözlərinə görə, dəhliz açıldıqdan sonra böyük iqtisadi imkanlardan
bütün Qafqaz ölkələri faydalanacaq, bölgə isə sülhün, sabitliyin və güvənin
mühüm mərkəzinə çevriləcək.
"Azərbaycanla
birlikdə bölgədə sülhü, sabitliyi və inkişafı təmin edəcəyik", - o əlavə
edib.
18:16 12.09.2025
Oxunuş sayı: 901
