Türkiyə İsrailin hərbi obyektlərinə zərbələr endirə bilər - Siyahı hazırdır!
Türkiyə hakimiyyəti ABŞ vasitəsilə xəbərdarlıq edib ki, ölkəyə Qətərdə baş verənlər kimi hücum olarsa, İsrailə qarşı cavab zərbəsi endiriləcək.
Crossmedia.az xəbər verir ki, bu barədə “Türkiyə Səsi” məlumat verib.
Belə ki, Türkiyə Baş Qərargahı İsraillə müharibə halında hədəf alınacaq strateji obyektlərin yenilənmiş siyahısını hökumətə təqdim edib. Qeyd edək ki, siyahıya hərbi obyektlər, bazalar, əsas iqtisadi nöqtələr və bütün limanlar daxildir.
Məlumatda bildirilir ki, münaqişə zamanı Suriyada İsrail qüvvələri, o cümlədən Qolan Təpələri də qanuni hədəf sayılacaq. Hökumət Baş Qərargahın planını təsdiqləyib və İsrailin hərbi potensialının neytrallaşdırılması sürətli və effektiv şəkildə həyata keçiriləcək.
Plan çərçivəsində Türkiyə, Suriya ilə əməkdaşlıq edərək Qolan Təpələrinin hərbi yolla geri alınmasına da dəstək verməyə hazırdır. Suriyanın silahlı qüvvələri təxminən 300 min döyüşçüdən ibarətdir və lazım gəldikdə əməliyyatları gücləndirmək üçün sərhədlər açılacaq.
Fatimə Məmmədova
19:31 11.09.2025
Oxunuş sayı: 4874
