FSB Ramzan Kadırovun səhhətini nəzarətdə saxlayır
Rusiya Federal Təhlükəsizlik Xidməti Çeçenistan rəhbəri Ramzan Kadırovun səhhətini diqqətdə saxlayır.
Crossmedia.az “Novaya qazeta Evropa”nın məlumatına istinadən xəbər verir ki, Kadırov Moskva həkimlərinin təlimatlarına əməl etmir və özbaşına müalicə ilə məşğul olur ki, bu da dəfələrlə böhranlı vəziyyətlərə səbəb olub.
Jurnalistlər qeyd edir ki, son görüntülərdə Kadırov daha çox statik vəziyyətdə göstərilir, onun gedişi yavaşıyıb, geyimləri isə əvvəlkindən daha enli görünür. Bildirilir ki, ona mütəmadi olaraq dializ tətbiq edilir və iş qrafiki də buna uyğunlaşdırılıb.
Məlumata görə, fevral ayında Kadırova sidiyin xaric olunması üçün nefrostoma — drenaj borusu quraşdırılıb. Bu tibbi vasitə ilə illərlə yaşamaq mümkün olsa da, ciddi narahatlıq yaradır.
Nicat Rüstəmzadə
18:38 11.09.2025
Oxunuş sayı: 1209
