Türkiyə “Can Holding” mediakonqlomeratını milliləşdirdi
Türkiyədə “Can Holding” mediakonqlomeratına qarşı genişmiqyaslı əməliyyat keçirilib. Dövlətin nəzarətinə 121 şirkət, o cümlədən Habertürk, Show TV və Bloomberg HT telekanalları verilib.
Crossmedia.az bildirir ki, İstanbul Prokurorluğu holdinq rəhbərliyini cinayətkar təşkilat yaratmaqda, qaçaqmalçılıqda və çirkli pulların yuyulmasında ittiham edib. Artıq on nəfər saxlanılıb, bütün ofislərdə axtarış aparılır.
Maliyyə Təftiş Qurumunun (MASAK) məlumatına görə, holdinq vasitəsilə milyardlarla lirə vəsait yuyulub. Bütün aktivlər müsadirə edilərək Əmanət və Bank İşləri üzrə Tənzimləmə İdarəsinə (TMSF) təhvil verilib. Hakimiyyət orqanları holdinqin fəaliyyətinin ölkənin iqtisadi təhlükəsizliyinə təhdid yaratdığını bəyan edib.
12:45 11.09.2025
Oxunuş sayı: 4159
