Ermənistan KİV-i: Qarabağlılar Rusiya-Ukrayna müharibəsində iştirak etmək üçün yaradılmış könüllü dəstələrə qoşulurlar
“Nikol Paşinyan təkcə Qarabağ səhifəsini bağlamağa qərar verməyib, həm də qarabağlıların (Qarabağdan könüllü şəkildə köç etmiş şəxslər-red.) sosial problemlərini həll etmək istəmir”.
Crossmedia.az xəbər verir ki, bu barədə Ermənistanın “Hraparak” nəşri yazıb.
Nəşr qeyd edib ki, bir neçə ay əvvəl sosial dəstək proqramı dayandırılmışdı, onlarla, yüzlərlə qarabağlını sözün əsl mənasında küçədə qoyaraq, mənzil kirayəsini ödəmək üçün vəsaitdən məhrum etmişdilər.
“Bizə danışdılar ki, son aylarda qarabağlılar kütləvi şəkildə Rusiyaya gedir və Rusiya-Ukrayna müharibəsində iştirak etmək üçün yaradılmış könüllü dəstələrə, xüsusilə “Arbat”a qoşulurlar, burada müqaviləli hərbi qulluqçulara kifayət qədər yüksək əməkhaqqı verilir. Müharibə iştirakçılarına və onların ailə üzvlərinə həmçinin sürətləndirilmiş qaydada Rusiya vətəndaşlığı da verilir”, - deyə nəşr bildirib.
KİV yazıb ki, halbuki peşəkar ordu yaratmaqdan dəm vuran Ermənistan hakimiyyəti döyüşmək qabiliyyəti olan qarabağlıların potensialından Ermənistan ordusunda istifadə edə bilərdi.
🔻“Məlumatlarımıza görə, Ermənistanın heç bir dövlət qurumu bu müddətdə neçə qarabağlının ölkədən getdiyini, neçəsinin geri qayıtdığını normal qeydiyyata almır”, - deyə müəllif qeyd edib.
09:30 05.09.2025
Oxunuş sayı: 5493
