Tramp: Putin və Zelenski hələ hazır deyil, amma "nə isə" baş verəcək
ABŞ prezidenti Donald Tramp bildirib ki, Putin və Zelenski hələ danışıqlara hazır deyil, amma “nə isə baş verəcək”.
Crossmedia.az xəbər verir ki, Donald Tramp CBS News-a müsahibəsində Rusiya və Ukrayna liderlərinin sülh dialoquna hazır olmadığını bildirib. Onun sözlərinə görə, o, Vladimir Putin və Volodimir Zelenskinin mövqelərini “diqqətlə izləyir” və döyüş əməliyyatlarından diplomatiyaya keçidlə bağlı ümidləri “realist və optimist”dir.
“Mən buna nəzarət etmişəm, bunu görmüşəm və bu barədə Prezident Putin və Prezident Zelenski ilə danışmışam. Nə isə baş verəcək, amma onlar hələ hazır deyillər. Biz bunu başa çatdıracağıq”, – deyə Tramp vurğulayıb.
Rusiya ordusunun Kiyevə endirdiyi son kütləvi zərbələrlə bağlı suala cavabında isə ABŞ prezidenti baş verənlərdən məyus olduğunu etiraf edib, lakin əminliklə bildirib ki, “biz hər şeyi yoluna qoyacağıq”.
Niyaz Hacıyev
10:27 04.09.2025
Oxunuş sayı: 5042
