Qazaxıstandakı strateji minerallar ABŞ-ın diqqət mərkəzində
ABŞ Qazaxıstandakı 19 strateji əhəmiyyətli mineral ilə maraqlanır.
Crossmedia.az-ın məlumatına görə, ABŞ Ticarət Palatasının vitse-prezidenti Xuş Çoksi bildirib ki, Qazaxıstanın strateji yerləşməsi Vaşinqton üçün getdikcə daha da önəmli olur.
Onun sözlərinə görə, ölkədə ABŞ Daxili İşlər Nazirliyi tərəfindən təsdiqlənmiş 50 kritik mineralın 19-u mövcuddur. Təxminən 5000 kəşf olunmamış yataq var.
Xammalın emalına ediləcək sərmayələr icazələrin alınma sadəliyindən, qanunvericiliyin proqnozlaşdırıla bilməsindən və vergi siyasətindən asılı olacaq. Çoksi vurğulayıb ki, bu resurslar Qazaxıstan və ABŞ arasında iqtisadiyyat və texnologiya sahələrində əməkdaşlığın inkişafı üçün “böyük imkanlar” açır.
Niyaz Hacıyev
10:13 04.09.2025
Oxunuş sayı: 6569
