İsrail müdafiə naziri: Husilərin liderləri Sənanı tərk edib
İsrailin müdafiə naziri İsrael Kats bildirib ki, Yəməndə İranın dəstəklədiyi husilərin rəhbərləri İsrail aviasiyasının zərbələrindən sonra paytaxt Sənanı tərk ediblər.
Crossmedia.az xəbər verir ki, nazir bu barədə X sosial şəbəkə hesabında məlumat yayıb.
Kats husilərin yüksək vəzifəli nümayəndələrinə qarşı açıq təhdid irəli sürüb. O qeyd edib ki, Sənanı tərk edən bu şəxslərin həyatları təhlükə altındadır: “Bu dəfə biz onların necə ovlanacağını bildik və gələcəkdə də bunu necə edəcəyimizi biləcəyik”, – deyə İsrailin müdafiə naziri vurğulayıb.
Məlumata görə, bir sıra husilərin liderləri paytaxtdan çıxaraq Səda, Amran və onların nəzarətində olan digər bölgələrdə yerləşən möhkəmləndirilmiş sığınacaqlara köçürülüblər. Bu hadisə İsrail və husilər arasında gərginliyin daha da artdığını göstərir.
20:25 03.09.2025
Oxunuş sayı: 6245
