Xarici xəbərlər

İran XİN rəhbəri: ABŞ Tramp dövründə kompromis təkliflərini rədd edib

İranın xarici işlər naziri Abbas Əraqçi bildirib ki, ABŞ-nin prezidenti Donald Trampın administrasiyası nüvə danışıqları prosesinin əvvəlindən etibarən Tehranın kompromis təkliflərini qəbul etməyib və İran tərəfinə görə yerinə yetirilməsi mümkün olmayan şərtlər irəli sürüb.

Crossmedia.az xarici mediaya istinadən bildirir ki, Əraqçi IRNA agentliyinə verdiyi müsahibəsində ABŞ-nin əsas məqsədinin “sıfır zənginləşdirmə” olduğunu qeyd edib. Onun sözlərinə görə, bu tələb İran üçün qeyri-real və mümkün olmayan bir şərt idi.

Nazir əlavə edib ki, İran kompromisə nail olmaq üçün bir neçə əməli plan hazırlamışdı. Lakin Tramp administrasiyası bu təklifləri qəbul etməyərək danışıqların irəliləməsinə mane olub. Əraqçi həmçinin vurğulayıb ki, Tehran hər zaman dialoqa açıq olub, lakin qarşı tərəfin sərt mövqeyi səbəbindən proses nəticəsiz qalıb.

🖨 Çap et

19:30 20.08.2025

Oxunuş sayı: 6364