Hindistan və Çin münasibətlərində yeni mərhələ
Hindistan və Çin arasında münasibətlərdə yaxınlaşma müşahidə olunur.
Crossmedia.az xəbər verir ki, bu barədə xarici KİV məlumat yayıb.
Hindistan və Çin qarşılıqlı olaraq BRİKS sammitlərinə dəstək göstərmək barədə razılığa gəlib. Belə ki, Çin 2026-cı ildə Hindistanda keçiriləcək sammiti, Hindistan isə 2027-ci ildə Çində baş tutacaq sammiti dəstəkləyəcək.
Bununla yanaşı, iki ölkə ticarət və investisiyaların asanlaşdırılması üçün konkret addımlar atmaq barədə razılıq əldə edib. Turistlər, iş adamları və media nümayəndələri üçün vizaların sadələşdirilməsi qərara alınıb.
Tərəflər həmçinin fövqəladə hallarda humanitar məqsədlərlə hidrologiya məlumatlarının mübadiləsini həyata keçirəcək.
Hindistanın Baş naziri Narendra Modi bildirib ki, “Hindistan və Çin arasında münasibətlər sabit şəkildə inkişaf edir”.
Fatimə Məmmədova
16:55 20.08.2025
Oxunuş sayı: 624
